Gazety seraseran'ny TANDAVANALA
Mba hanomezana fahafaham-po antsika
mpamaky dia nohezahina nampidirina ao amin'ny tranok'alan'ny
CMP Tandavanala ny gazety antsoina hoe : " Seraseran'ny
Tandavanala ", izay mivoaka isan-telo volana
ary voasoratra amin'ny teny malagasy.
Ato amin'ity sampana iray ity dia
ahitanao ireo vaovao maro momba ny tandavan'ala (corridor
forestier) sy ny tontolo manodidina azy : ny fikajiana
sy ny fintantanana maharitra azy.
Ireo lahatsoratra avoitra ato amin'ny
gazety " Seraseran'ny Tandavanala " dia
mahakasika ny: vaovaon'ny Tandavanalan'i Fianarantsoa,
ny kolon-tsaina sy fanabeazana, ny serasera sy fanabeazana,
ahitana toro hevitra mahasoa sy alavoly ihany koa.
Fiaraha-miasa mahomby
Nanomboka tamin'ny taona 2009 no
nivoaka ny gazety " Seraseran'ny Tandavanala
" ka niaraha-nanatontosa tamin'ireo mponina eny
ifotony sy ireo vondrona mpiara-miasa amin'ny CMP
Tandavanala tamin'ny alalan'ny fifampizaram-baovao.
Araka izany dia ahitana lahatsoratra nosoratan'ireo
mpamaky ihany koa ato amin'ity gazety " Seraseran'ny
Tandavanala ity ".
Koa dia manasa anao izahy hahita
fahafinaretana sy hahazo fahalalana eo am-pamakiana
izany !
« Izay
liam-baovao, liam-pivoarana! ».